कुर्सीको खेलमा आफ्नो पार्टी नलागेकोः प्रचण्ड

एकीकृत नेकपा माओवादीका अध्यक्ष प्रचण्डले सरकारमा जसरी पनि जानु पर्छ भन्ने कुर्सीको खेलमा आफ्नो पार्टी नलागेको बताउनु भएको छ ।

नेपाल राष्ट्रिय उद्योग व्यापार संगठन रुपन्देहीको आयोजनामा आजदेखि भैरहवामा सुरु भएको राष्ट्रिय औद्योगिक व्यापार मेला तथा पर्यटन महोत्सव-२०६६ को उद्घाटन गर्दै अध्यक्ष प्रचण्डले सो दाबि गर्नु भएको हो ।

जनताबाट निर्वाचित सरकारलाई अपदस्त बनाएर जनताबाट पराजितहरुको सरकार गठन हुनुमा गम्भीर षडयन्त्र भएको बताउदै प्रचण्डले माओवादीले परंपरागत ढंगले विदेशी प्रभुसंग हार गुहार गर्न नचाहेको र जनतालाई आत्म निर्भर बनाउने उद्धेश्य राखेकै कारण सरकारबाट हट्नु परेको बताउनु भयो ।

भारततर्फलक्षित गर्दै अध्यक्ष प्रचण्डले नेपालीको आकांक्षा बुझेर छिमेकी राष्ट्रले समानताको आधारमा नया सन्धि गर्नेतर्फसोच्न आग्रह गर्नु भयो ।