बन्दका कारण मेची र कोसी अञ्चल प्रभावित

पूर्वका नौ जिल्लालाई लिम्बुवान क्षेत्र घोषणा गर्नुपर्ने माग गर्दै संघीय लिम्बुवान राज्य परिषद् क्रान्तिकारीले आह्वान गरेको बन्दका कारण मेची र कोसी अञ्चलका प्राय सबै जिल्लाको जनजीवन प्रभावित भएको छ ।

पूर्वका ताप्लेजुङ, इलाम, पाचथर, झापा, तेह्रथुम, धनकुटा, सुनसरी लगायत जिल्लाको जनजीवन प्रभावित भएको छ । सुनसरीको धरान, इटहरीलगायत स्थानमा पनि बन्दको प्रभाव परेको छ । इटहरी पूर्व कुनै पनि यातायातका साधन चलेका छैनन् । अरुण पूर्वका नौ जिल्लामा बन्द आह्वान गरिए पनि केही जिल्लामा भने बन्दको प्रभाव सामान्य देखिएको छ ।

प्रभावित जिल्लामा यातायात, बजार, उद्योग, कारखाना लगायतमा काम हुन सकेको छैन ।