सुन आयात कडाइले कारोबारमा गिरावट

नेपाल राष्ट्र बैङ्कले सुन आयातमा गरेको कडाइले नेपाली बजारमा सुनको कारोबारमा गिरावट देखिएको छ ।

     नेपाल राष्ट्र बैङ्कले बढ्दो सुन आयातले व्यापार घाटा बढाएको र यसमा हुनेगरेको लगानीसमेत जोखिममा रहेको भन्दै आयातमा कडाइ गरेको थियो । नेपालमा आयातित सुन छिमेकी भारतीय बजारमा गैरकानुनी रूपबाट निकासी भएको राष्ट्र बैङ्क स्रोतको दाबी छ ।

     सुन आयातमा भएको कडाइले विगत दस दिनमा सुन आयात घटेको राष्ट्र बैङ्कका कामु गभर्नर कृष्णबहादुर मानन्धरले सोमबार एक कार्यक्रममा बताउनुभएको थियो ।

    à¤®à¤¾à¤˜ १ गते २५० केजी, २ गते ५० केजी, ३ गते १५ केजी, ४ गते ५० केजी ५ गते ५० केजी, ६ गते एक ९५० केजी, ७ गते २५ केजी, ८ गते ७५ केजी र ९ गते ५१८ ग्राम सुन नेपाल आयात भएको राष्ट्र बैङ्कको तथ्याङ्कमा उल्लेख छ ।

      à¤¸à¥à¤¨ आयातमा भएको कडाइले विवाहको लगनको बेलामा समेत गिरावट आएको नेपाल सुनचाँदी व्यवसायी तेजरत्न शाक्यले बताउनुभयो ।

      à¤…हिले सरदर दैनिक १० देखि १२ केजीसम्म सुनको बिक्री भएको शाक्यले जानकारी दिनुभयो ।
 
      सुनको आयात रोकिँदा उपभोक्ताहरू बढी मूल्य तिर्न बाध्य भएको शाक्यले जानकारी दिनुभयो । राष्ट्र बैङ्कले नेपालमा आयातित सुन भारतमा गैरकानुनी रूपबाट निकासी भयो भन्नु गलत रहेको अध्यक्ष शाक्यको भनाइछ ।

      आज नेपाली बजारमा सुनको भाउ प्रति १० ग्राम रु. २७ हजार २५ रहेको छ भने अन्तरराष्ट्रिय बजारमा प्रति १० ग्राम एक हजार ९८ डलर रहेको नेपाल सुनचाँदी व्यवसायी सङ्घले जनाएको छ ।