बेलायतका लागि नेपालका राजदूत चालिसे बेलायतमा

भिक्टोरिया क्रस विजेता लक्षिमान पुनका साथमा बेलायतका लागि नेपाली राजदूत चालिसे ।

थप छायाँहरू »

संयुक्त अधिराज्यका लागि नेपालका नव नियुक्त राजदूत सुरेशचन्द्र चालिसे (पीएचडी)ले आफ्नो ओहोदाको प्रमाणपत्रको प्रति बेलायतको परराष्ट्र मन्त्रालयका भाइस मार्सल सिमोन मार्टीनलाई फेव्रुअरी ३ का दिन बुझाउनुभएको छ ।

नेपाली दूताबास लण्डनद्धारा जारी विज्ञप्तिका अनुसार सो समारोहमा राजदूत चालिसे र मार्टिनबीच द्धिपक्षिय सम्बन्ध र आपसी हितका विषयमा छलफल भएको थियो । उक्त अवसरमा दूताबासका उप-नियोग प्रमुख झविन्द्र प्रसाद अर्यालको समेत उपस्थिति रहेको थियो ।

त्यसैगरी राजदूत चालिसेले राजदूतको हैसियत प्राप्तपछि बेलायतको उच्च सैनिक मानपदवी भिक्टोरिया क्रस विजेताद्धय लच्छिमान गुरुङ र तुलबहादुर पुनसँग बेलायतस्थित उहाँहरुकै निवासमा गई भेटघाट गर्नुभएको थियो ।

भेटघाटका अवसरमा राजदूत चालिसेले उहाँहरुको योगदानको कारण नेपाल र बेलायतबीचको सम्बन्धको उचाई समेत बढेको र व्रिटिस गोर्खाहरु द्धिपक्षीय सम्बन्धको मुलुकडी रहेको अवगत गराउनुभएको थियो ।

बेलायतको बंकिङघम दरवार नजिक रहेको कन्सि्टच्युसनल हिलमा निर्मित दुवै विश्व युद्धमा विशिष्टता देखाएर भीसी प्राप्त गर्ने व्यक्तिहरुको नाम सडकको दुवै तर्फको स्मारकमा अंकित गरिएको छ । जसमा नेपाल र नेपालका भिक्टोरिया क्रस पाउने व्यक्तिहरुको नाम पनि अंकित रहेको छ ।

यस स्थानमा वेलायत सरकारले हरेक बर्ष विशेष कार्यक्रमको आयोजना गरी खोर्खा सैनिकहरुबाट धुन बजाई उच्च सम्मानका साथ नियोग प्रुमखहरु समेतबाट पुष्पाहार चढाउने परम्परा रही आएको छ ।