आगामी नीति
पुराना शब्दहरू
नयाँ दौरा–सुरूवालमा सजिएर
संसद भवनभित्र सुस्केरा हाल्छन्।
मुलढोका बाहिर
प्रतीक्षारत छ
वाल्ल परेर
बसेको दुनिया !
कट, कपी, पेस्ट
माहिर लेखनदासहरू
तयार पार्छन्
‘जेन-जि’ हाँक्ने नीति।
आज बोलाइएको छ
हात र स्वर एकैपटक
थर्थरी
काँपिरहेको एन्टिक।
तल, मोबाइलमा
टिकटक हेरेर बसिरहेको छ
श्रोतागण,
जो अलमलिएको छ
ताली बजाउने समय
आइसक्यो या गइसक्यो ?
(शिक्षाविद् बिष्टको शैक्षिक पाठ्यक्रम र सिकाइसम्बन्धी अंग्रेजी तथा नेपालीमा प्रकाशित कृतिहरुबाहेक ‘साला पहाडमें क्या है’ कविता संग्रह चर्चामा छ । )