तिमी जितुवा मान्छे

तिमी जितुवा मान्छे,

तिम्रा हरेक धड्कनले निडरताकाे ढुकढुक गुन्जाउदछन्
अाखाँका उजेलीहरूले भविष्यलाई प्रकाश थप्दछन्
हातका अाैलाहरूले चुचुराेकाे चित्राङ्कित गर्दछन्

हिजाे बेताेड्ले बाढी अाउदाँ पनि,
नडराएका तिम्रा मुटुहरू
नडगमगाएका तिम्रा गाेडाहरू
र नरसाएका तिम्रा अाखाँहरू
यी सबले नै हुनुपर्दछ तिमीलाई जित तर्फ झनझन धकेलेकाे

मान्छेहरूकाे गन्जगोलमा
शत्रु, मित्र र अाफन्त कुन भेषमा छन् ?
चिन्नलाई कठिन हुदाँ पनि
तिमीले त प्रहारहरूकाे प्रति प्रहार गर्न सक्दछाै
शुभेच्छाहरूकाे सङ्गालाेकाे माला उन्नसक्दछाै
त्यसैले त तिमी नायक हाै
कुशलताले भरिपूर्ण नायक
जिन्दगी नामकाे रङ्गमञ्चकाे

कहिले काहीं लड्याै भने पनि
तिम्रा लागि नयाँ रणनीतिकाे मुहान हुने गर्दछ
पर्याप्त उर्जा उत्पादन गर्दछाै त्यहिबाट
त्यसैले त हाेला तिमी झनझन जितकाे नजिक पुगेकाे

टाढैबाट शिखर देखेर अात्तिने त धेरै छन्
तिमीले त अाट नै गर्दियाै चढ्नलाई
जति तिमी माथि पुग्छाै, त्यति बतास बढ्दै जान्छ
तर तिमी त साहसकाे प्रतिमुर्ति
तिम्रा गाेडाहरू तब मात्र शान्त हुन्छन जब तिनले चुचुराे चुम्दछन
हाे त्यसैले त तिमी जितुवा मान्छे