गीत: तिमीले देखेको सपनालाई

तिमीले देखेको सपनालाई
चुपचाप पछ्याइ आएँ
तिम्रो पलकको निम्तामा
आफैलाई मनाइ ल्याएँ

जब मेरो हाँसो ब्यूँझन्छ
तिम्रो हाँसोलाई सम्झन्छ
हाँसो हाँसोको ओहोरदोहरमा
कति कति ऋतु बदलिन्छ

तिमीले देखेको सपनालाई
चुपचाप पछ्याइ आएँ

तिमीले प्यारो भावना दियौ
त्यसमा म अनि तिमी थियौ
मीठो भावनाको सारफेरमा
मेरो मुटुको माया लियौ

तिमीले देखेको सपनालाई
चुपचाप पछ्याइ आएँ
तिम्रो पलकको निम्तामा
आफैलाई मनाइ ल्याएँ