शुभकामना गीत

शुभकामना शुभकामना
हरेक दिनको तिमीलाई लाख लाख कामना

हर इच्छाहरु पुरा हउन्, स्वस्थ रहोस् जीवन
हाँसि खुशी प्रफुल्ल होस्, सँधैं सँधै जीवन

सरस्वतीले वास गरुन्, मधुर वाणी भित्र
बैभवको के कुरा भो, लक्ष्मी घरै भित्र

करुणाको सागर नै होस्, सँधै छाती भित्र
विवेकको सगरमाथा, जागोस् मन भित्र

पोखिंदा नी मुस्कान तिम्रो, हरियाली छाओस्
खडेरीमा प्रकृतिले, जीउने त्राण पाओस्

तिमी हाँस्दा धर्ती रमोस्, सारा खुशी पाई
इर्श्या गर्दै इन्द्र भुलुन्, पृथ्वी मै आई

शुभकामना शुभकामना
हरेक दिनको तिमीलाई लाख लाख कामना ।।