नेजाको साधारणसभाको तयारी पुरा

नेपाल अमेरिका पत्रकार संघ (नेजा)को मे ४ र ५ मा १३ औं साधारणसभा हुने भएको छ । २६ औं विश्व प्रेस स्वतन्त्रता दिवसको अवसर पार्दै नेजाले आफ्नो साधारण सभा तयारी गरेको हो ।

टेक्ससको डलास शहरमा हुन लागिरहेको साधारणसभाको उद्घाटन मे ४ मा हुनेछ । साधारणसभाको अवसर पारेर संघले प्रवासमा नेपाली पत्रकारिताको सन्दर्भमा अन्तरक्रियात्मक कार्यक्रम समेत आयोजना गरेको छ ।

साधारणसभामा अमेरिका तथा क्यानडामा रहनुहुने संघका सदस्य तथा अग्रज पत्रकारहरुको सहभागिता रहने यस संघका उपाध्यक्ष तथा मुल आयोजक समितिका संयोजक विकास राज न्यौपानेले जानकारी दिनुभएको छ । साधारणसभालाई सम्पन्न गर्न स्थानीय रुपमा गठित आयोजक समिति तथा विभिन्न उपसमितिहरुवाट काम भैरहेको बताउँदै उपाध्यक्ष न्यौपानेले स्थानीय संघ-संस्थाहरुले समेत अपनत्व लिएर सहयोग गरिरहेको उल्लेख गर्नुभयो ।