गठबन्धनको सूत्र

ठाउँ ठाउँमा खोइ चर्पी
भित्ता भित्तामा मलमूत्र
जसोगरि पनि चुनाव जित्न
गठबन्धनको सूत्र

यतिका वर्ष केलाई बोक्यौ
त्यो पार्टीको झोला
आत्मघाती गोल गरेर
किन अर्कोलाई जिताउने होला

न त काँग्रेश न त कम्यूनिष्ट
पंचरूप तिमी को होउ
पद र सत्ता प्राप्तिको निम्ति
झेल्ली खेलको दाउ

आफ्नै पार्टीलाई भोट नदिइ
गद्दारी किन गर्ने होला
गठबन्धनको बन्धनले
बदलिने भो अर्कै पार्टीको चोला

कार्यकर्ता अब निरीह भए
जबरजस्ती हुकुम लाद्ने नेता ठूला
अर्काको चिन्हमा छाप लगाउदा
आफ्नो चिन्ह त धुरुधुरू रोला