गठबन्धन

न ऊ कम्यूनिष्ट

न ऊ काँग्रेश

को हो ? के हो ? त्यो

गठबन्धनको भेष

 

कुन दलको हो सिद्धान्त

कुनको नीति र बिधिबिधान

अनि कुन दलको हो आदर्श

कस्तो विचारको गठबन्धन

 

के भो सर्बहारा बर्गको बर्गसङ्घर्षको नारा

खै आस्थाका मुक्ति र परिवर्तन

कहाँ गयो सामाजिक लोकतान्त्रिक पार्टी

केवल सत्ताको लालच भयो गठबन्धन

 

विचारा जनता छाम्छन् एकातिर

यो त काँग्रेश जस्तो छ भन्छन

अर्कोतिर छाम्दा कम्यूनिष्ट जस्तो लाग्ने

नबुझिने थाहानहुने अचम्मको गठबन्धन

 

अब दललाई आफैमा बिश्वास नभए जस्तो

खै त्यो एक्लै गर्नसक्ने आँट र स्वाभिमान

केवल दलको नाम अर्कै चुनाव चिन्ह अर्के

मिलीजुली बाँडीचुँडी भागबन्डाको गठबन्धन